Thierry Malandain

Aaitaldiko zuzendari artistikoaren editoa 

Orduan! Dantza ezazue orain edo ipar haizea etorri zenean.

Mundua bezain zaharra eta beti gazte, dantza usaian alaitasunaren senezko adierazpena da, poza baita pertsona batengandik bestearengana hobeki hedatzen dena. Horrela, gizon-emazteak agertu direnetik, itzulpenik behar ez duen dantzak lotzen ditu izakiak, amodiozko bateratzeak lehenetsiz batzuetan.  

Bizkitartean, dantzatzeko beharra berezkoa bada ere, ezin dugu ahantzi sinesmen zahar batzuek txertatu gorputzaren mespretxuak, adimen gutiko pertsona batzuek dantza luzaz « arimen izurria » deitzen zuten libertimendu lizuna bilakarazi dutela. Emaitza izan da mendeak behar izan direla gaitz guzien eragile gisa ekarria zen gorputza birgaitzeko, gehiegikerian erori arte, erran nahi baita, izpirituaren kaltetan miretsi arte. Baina hau Covid-19 aitzineko munduan zen. Gaur egun, bakarka dantzatzea legez kanpo ez bada ere, arrunt debekatua da bestearen gorputzaz hurbiltzea, haren hunkitzea, elkarrekin dantzatzea. 

Ondorioz, Maitaldiaren 30. ale hau ez da bakarrik urtebeteze kariko gertakizuna izanen, baina beldur gizajalearen kisketa jauzarazi ondoren, gorputza eta izpiritua berriz baketzeko parioa egitea, amodioa eta zorionaren arteko lehen urratsa kurritzeko, udaren ondotik ipar haizearen garaiaren itzulerako itxaropenarekin.  

Thierry Malandain, 2020ko uztailaren 6an