NACH VAN VAN DANCE COMPANY

Karrika eta battle lehiaketek formaturik, haren bizitzeko errabia karniboroa, mozkortzeraino dantzatzera bultzatzen duen gudari karra adierazteko moldea den krumparen bortizkeri ahanzgarrian eta adierazkortasunean atzematen du Nach-ek. Erreferentziak dantzatik kanpo bilatzera eramaten du haren jakin-minak: argazkilaritzan, literatura eta zinemagintza esperimentalean. Emazte batek haren feminitate eta egiazkotasun nahikeriarekin dantzatu autopotreta da Cellule. Desioa, gehikeria, sufrimendua, beldurra, gozamenaren energia ankerrak arakatzen ditu honetan koreografoak. Baliabideak hip-hop, Afrika eta Asiako dantza tradizional eta duende, flamenco dantzariak gainditzen dituen indar misteriotsutik hartuz. Haren hizkuntza propioa eraikitzen du Nach-ek. Neurrigabekeria, giharreria indartsuak agertzen dituen tentsio ikusgarriak, bai eta sentsualitate sotil bat, erakargarritasuna jalgiarazten duen hauskortasuna aldizkatzen ditu. Erraietako obra argitsu honek aldarrikatzen du, gordinki, kontzesiorik gabeko dantzari nortasuna.